6.26.2013

Summer Beauty Tips




في وقــت الــصيــف كثرة الميــك أب على وجـهك ممكن تخليه يسيح مع الحر ويخرب عليك كل شي ، راح تحتاجين تغيرين روتينك لأنه مع الجو الحار والشمس راح يأثر عليه حتى لو بشرتك كانت جافة .. يفــضل وقت الصيف تقللين الميك أب وحلو الوجه يكون طبيعي ومع التان ما راح تحتاجين تغطية عالية إلا رتوش بسيطة ، إذا اضطريتي تحطين ميك أب من الضروري إنك تختارين منتجات يكون ثباتها طويل أو تكون مقاومة للماء عشان تثبت معك بشكل أطول 

  • كريم حماية ضد الشمس
أساسي ومهم سواء كنتي راح تحطين مكياج في وجهك أو من دون ، يفضل إنه يكون حمايته فوق ٥٠ درجه في فصل الصيف ، هو اللي راح يمنع الامراض الجلدية اللي ممكن تتعرضين لها مثل : الكلف - النمش - التجاعيد .. وغيره 

  • استعملي البرايمر
راح تحتاجين برايمر إذا كنتي راح تحطين ميك أب في وجهك لأنه يثبت لك مكياجك بشكل أطول و ما يسيح معك  ، ويفضل البرايمر اللي يتحكم في الدهون عشان يخفف اللمعة بالوجه مع الحر 

  • استبدلي الفونديشن بالتينتد موسترايزر
الفونديشن أحسه شي ثقيل لفصل الصيف و ممكن تستبدلينه بالتينتد موستراينزر أو البي بي كريم وهم المفضلات بالنسبة لي بفصل الصيف تغطيتهم خفيفة وبنفس الوقت فيهم حماية من الشمس وما راح تبين الوجه كيكي مع الحر 

  • البودرة البودرة البودرة !
فيه بنات يقولون مستحيل نستخدم البودرة على وجهي ؟ راح تخليه كيكي .. أقولكم لا في فصل الصيف راح تحتاجين البودرة حتى لو بشرتك جافة لأنه مع الحر راح يسيح مكياجك ويدهن وجهك ! هنا يجي دور البودرة ضروري تكون في شنطتك لانك تمررينها بشكل خفيف بالفرشة على وجهك راح يعدل لك كل شي 

  • استبدلي البلشر البودرة بالبلشر الكريمي
يفضل تستخدمين البلشر الكريمي أو الجل في فصل الصيف لأنه المنتجات الكريمية معروفة ثباتها أعلى من البودرة بكثير ، و راح يقاوم حرارة الجو بشكل أكثر من البودرة 

  • روجك يسيح ؟
ما فيه أشين من شكل الروج وهو سايح عالجوانب ومو مترتب ! فيه طرق كثيرة لتثبيت الروج ومن أشهرها إنك تحطين كونسيلر على شفايفك ويعدها تحطين الروج تجيبين منديل وتقفلين شفايفك عليه ومن بعدها ترجعي تعيدين بالروج عليه وبكذا يتثبت معك ، فيه طريقه أسهل اللي هو المحدد الشمعي هنا تلقينه في أغلب الماركات تستعملينه مثل محدد الشفايف وما يخلي روجك يسيح  


....................


No comments:

Post a Comment